منتدى احلى بنات يرحـب بكم نتمنى لكم اوقات سعيدة المنتدى للبنات فقط

لا تعتذر وارحل بعيد .. ارحل ودمعك ما يفيد .. معقولة ترجع تعتذر !! وتقول ننسى اللي حصل !!

ونبدأ هوانا من جديد !!!! لا يا عنيد .

ما عاد دمعك ينفعك .. ولا عاد قلبي يتبعك .. حبك رميته في الثرى ..

وما عاد يطربني هواك .. خل العواذل تنفعك .

ولا تعتذر .

وإن هلت عيونك دموع .. لا لا تفكر في الرجوع .. خلاص ما عندي صبر إني أكرر غلطتي ..

وأعيش حبك في خد وع .

من حبكم ياما بكيت .. من حبكم ياما انكويت ..

وذقت بهواك الألم .. وصارت حياتي في ندم ..

ولا عمري بظلمك حكيت ..

وجيت بسهوله تعتذر !!! لا تعتذر .

بـاذكـرك حـبي العـظيم ===== بـاذكـرك قـلبٍ جـرحته

بـاذكـرك إنــك لئــيــم ===== بـاذكـرك حـبٍ نـكـرته

تذكر حبي الصادق .. اللي لقلبك وهبته ..

بس للأسف يا للأسف .. غدرت قلبي وطعنته ..

وهبتك العطف وحناني ..

وبنيت لك في ضميري قصور .. بأسم الحب تجمعنا .. وقلبٍ هداك زهور ..

ودي أسألك ليه خنته ؟؟؟

حاولت أدمح لك أفعالك .. وبديت أسأل عن أحوالك ..

أقول يمكن او عسى .. بس للأسف كانت آمالي سراب .. كنت عائشه منخدعه ..

وفي حبكم مندفعه .. حتى تجرعت العذاب .

تذكر الماضي ...

تذكر الماضي ..

يمكن تحدد موقفك .. وتعرف خطاك اللي جنيته .. وقلبٍ بيدك رميته ..

ودي أهجرك ..

ودي أتركك ..

مادام إن الهوى بعته ..

ومادام قلبي خدعته .

وتـركتني عاشـق جـريـح ===== اقـضي حـياتي في هـمـوم

خـدعــتـنـي وأنـا صـريـح ===== وأحـرمتني مـن لذيذ النـوم

ويا ظالمي ....

يا ظالمي ....

ياظالمي .. ابغى أعترف ..

حبك رميته في البحور ===== من بعد ما ذقت الجراح

عنيد وقاسي ومغرور ===== قلبي بحبك ما ستراح

وباذكرك ....

باذكرك ...

باذكرك .. ذيك السنين اللي مضت .. واللي انقضت .. واللي بها الدنيا تدور ..

باذكرك يوم الوداع إن كان ودك تفتكر .

بـاذكرك ايش صـار فينـي ===== بـاذكرك دمـوع عـينـي

حـالتي كـانـت صـعــيـبـة ===== وأنت تـضحـك مـا تبيني

(( والله عجب .. هذا الزمن .. قلبٍ يحب .. بسرعة انطعن ))

وبـاقــولــك ارحـــل تــــرى ===== حـالي بهجـرانك بـرى

وانسى الهوى وانسى العهد ===== وانسى جميع اللي جـرى

ولا لا تذكر ما مضى لا أيامنا .. ولا أفراحنا ..

صحيح كانت زاهية .. مثل الورود الباهية ..

بس للأسف يا للأسف غطت عليها جراحنا .

ومادام أنت اللي بديت .. وبعت الهوى وعني سليت ..

ما عاد فيني حيل أكرر الماضي معاك ..

قلبٍ طعنته قد نساك .

ارحل وخليني أعيش في دنيتي مرتاح ..

وشرحي يطول أو ما يطول ..

كلمة أكررها وأقول .

لا تعتذر

لا تعتذر

لا تعتذر

شعر روووعـــــــهـ داومي ع الأبداااع يا عمـــــــري

وتقبلي مروري [ندعوك للتسجيل في المنتدى أو التعريف بنفسك لمعاينة هذه الصورة]

منتدى احلى بنات يرحـب بكم نتمنى لكم اوقات سعيدة المنتدى للبنات فقط

لـــا تـــعــتــــذر.....